女朋友們說是賤物鬥窮人，果真沒錯，馬拉紙本身已經平，商店還有折扣、贈品、抽獎、信用卡優惠，忍唔住要問 - 有無搞錯？！
究竟有咩抵？
1) Issey Miyake Bao Bao - 本人不是粉絲，不過朋友話香港以至日本都成日無貨，而 KL 就有頗多選擇，朋友話香港賣 ＄8,800，呢度除稅後 ＄6,480。
2) Superdry - 估唔到呢個英國牌子來到這裡可以平咁多，香港一件普普通通 Tee 賣＄490，呢度一模一樣款賣 $270（正價），專門店還有信用卡 9折，買滿 RM350 又有抽獎，我們抽到 Superdry 人字拖（任撰）和額外八折！是否抵得很過分！
就算去商場購物，買幾百元東西，又送一套調味樽，幾美觀實用，喏晒我師奶仔。
去 Massimo Dutti，見到之前响香港睇中的皮袋，竟然又平三舊水，買！Sacoor Brothers， 葡萄牙品牌，類似 Dutti 但貴一點，男裝比較優勝，有40％ off，買了給老公。最後他是最大得益者！
3) Le Creuset - 去 outlet 逛了半天，買了一些餐具，只是 50% 價錢！它的鑄鐵煲都有半價，仲大把選擇，不過屋企已經有，而且一個人怎也拿不了這麼多，就放過它。朋友買了一個紫色美美的，只是千多元，平過香港一半。本來對這個牌子一般興趣，怎料買下買下家中就有一堆，我應該不小心中了毒，好彩毒癮尚淺。:-P
在這裡購物還有一大好處，就是無人同你爭，選擇又多，有碼又有款，俾錢不用等，好過喺香港，要同過百個本地港女和內地同胞爭，有錢都唔夠佢地搶，何況無錢無時間。I love KL shopping!
沒有留言:
張貼留言