東海堂抹茶卷蛋

最近行過地鐵站的東海堂，見到大大張 poster 映住個綠茶卷蛋，就好似之前我响一家日本蛋糕店試食過的一樣。話說我每次經過這間日本蛋糕店都忍不住走過去（扮）試食（恐怕店員都認得我），而它又 keep 住放幾個試食杯杯在櫃檯，好誘惑我！不過一百五十元對我來講唔屬於一個卷蛋的價錢，所以我堅持罷買，同自己講，就等下次生日先至可以買！

哈，見到這個一模一樣的卷蛋在東海堂發售，再看看價錢，一百廿八元，可以接受喎！其實只是便宜了廿幾蚊，嘻嘻 ⋯ 我仲同方老闆講，而家隨隨便便買個磅裝蛋糕都要一百幾十啦 ，呢個唔算貴喇 ⋯

它到底沒有令我失望啊，淨係睇個包裝就知係好野，盒內蛋糕仲用銀色錫紙包住，很矜貴。

蛋糕有很濃郁的抹茶味，中間的 cream 是用日本牛乳加抹茶粉打成，吃進口裡每一淡都是抹茶的芳香，好食！日本蛋糕店？ 我不用再"試"食你喇。